Hyundai Uzbekistan O‘zbekistondagi Hyundai rasmiy distribyutori

1. Umumiy qoidalar

Mazkur Foydalanish shartlari hyundai.uz saytidan (keyingi o‘rinlarda — «Sayt») foydalanish tartibini belgilaydi. Sayt operatori — O‘zbekiston Respublikasida Hyundai’ning rasmiy distribyutori bo‘lgan «HYUNDAI UZBEKISTAN» Mas’uliyati cheklangan jamiyat shaklidagi qo‘shma korxonasi («HYUNDAI UZBEKISTAN» QK MChJ).

Saytdan foydalanish orqali siz mazkur Shartlar bilan tanishganingizni va ularga roziligingizni tasdiqlaysiz.

2. Saytdan foydalanish

Saytda Hyundai avtomobillari, ularning narxlari va komplektatsiyalari, maxsus takliflar, moliyaviy dasturlar, servis xizmatlari, rasmiy dilerlar, shuningdek Hyundai’ning O‘zbekistondagi boshqa mahsulot va xizmatlari haqida ma’lumot taqdim etiladi.

Saytda joylashtirilgan ma’lumotlar axborot-ma’lumotnoma xususiyatiga ega bo‘lib, agar alohida ko‘rsatilmagan bo‘lsa, ommaviy oferta hisoblanmaydi.

Narxlar, komplektatsiyalar, texnik xususiyatlar, avtomobillarning mavjudligi, muddatli to‘lov shartlari, moliyaviy dasturlar va maxsus takliflar o‘zgarishi mumkin. Avtomobillarni xarid qilish bo‘yicha amaldagi ma’lumotlar va shartlarni Hyundai’ning rasmiy dilerlaridan aniqlashtirish lozim.

Saytdagi avtomobillar va boshqa mahsulotlarning tasvirlari illustrativ xususiyatga ega. Ko‘rsatilgan avtomobillarning tashqi ko‘rinishi, ranglari, jihozlari va komplektatsiyasi xarid qilish uchun mavjud avtomobillardan farq qilishi mumkin.

3. Intellektual mulk

Saytda joylashtirilgan matnlar, tasvirlar, grafik materiallar, logotiplar, tovar belgilari va boshqa materiallar tegishli huquq egalarining intellektual mulk obyektlari hisoblanadi va qonunchilik bilan himoyalanadi.

Sayt materiallarini tegishli huquq egasining ruxsatisiz nusxalash, tarqatish, o‘zgartirish yoki ulardan boshqa shaklda foydalanishga yo‘l qo‘yilmaydi, qonunchilikda nazarda tutilgan holatlar bundan mustasno.

4. Javobgarlik

«HYUNDAI UZBEKISTAN» QK MChJ Saytda joylashtirilgan ma’lumotlarning aniqligi va dolzarbligini ta’minlash uchun oqilona choralar ko‘radi, biroq xatolar, noaniqliklar yoki texnik nosozliklar mavjud bo‘lmasligini kafolatlamaydi.

«HYUNDAI UZBEKISTAN» QK MChJ foydalanuvchining faqat Saytda joylashtirilgan ma’lumotlar asosida qabul qilgan qarorlari uchun javobgar bo‘lmaydi. Avtomobil xarid qilishdan, moliyaviy dasturlar, maxsus takliflar yoki servis xizmatlaridan foydalanishdan oldin amaldagi shartlarni Hyundai’ning rasmiy dilerlaridan aniqlashtirish tavsiya etiladi.

5. Uchinchi tomon resurslariga havolalar

Saytda uchinchi tomon internet-resurslariga havolalar bo‘lishi mumkin. «HYUNDAI UZBEKISTAN» QK MChJ bunday resurslarning mazmuni, mavjudligi yoki ulardan foydalanish qoidalari uchun javobgar emas.

Uchinchi tomon internet-resurslariga o‘tish foydalanuvchi tomonidan mustaqil ravishda amalga oshiriladi.

6. Shartlarga o‘zgartirish kiritish

«HYUNDAI UZBEKISTAN» QK MChJ mazkur Shartlarga o‘zgartirishlar kiritish huquqiga ega. Shartlarning amaldagi tahriri doimo ushbu sahifada mavjud.

7. Aloqa

Saytdan foydalanish va mazkur Shartlar bilan bog‘liq masalalar bo‘yicha Saytning «Aloqa» bo‘limida ko‘rsatilgan aloqa ma’lumotlari orqali murojaat qilishingiz mumkin.